Në këtë kanton mund të vaksinoheni pa regjistrim paraprak

Me vaksinimin e bërë "në këmbë", (rrugës) të dhënat e atyre që dëshirojnë të vaksinohen regjistrohen në vendin ku vaksinohen

Kantoni i Zug po thjeshton qasjen  në vaksinimin kundër koronavirusit. Regjistrimi nuk është më i nevojshëm në qendrën e vaksinimit në Baar, raporton departamenti i shëndetësisë i këtij kantini, shrkuan srf.ch.

Me vaksinimin e bërë “në këmbë”, (rrugës) të dhënat e atyre që dëshirojnë të vaksinohen regjistrohen në qendrën ku vaksinohen, transmeton albinfo.ch.

Drejtoria e Shëndetësisë shpreson se oferta e re do ta bëjë më të lehtë për popullatën që të motivohet për të vaksinuar.

Sipas departamentit të shëndetësisë, mund të ketë kohë pritjeje për vaksinimin në fjalë. Njerëzit të cilët dëshirojnë një termin fiks vaksinimi përsëri mund të regjistrohen në internet.

Vaksinimi pa regjistrim paraprak është i mundur nga e hëna deri të premte midis 10 dhe 18.30 pasdite.

Qendra e vaksinimit do të mbetet e mbyllur për katër fundjavat e ardhshme të pushimeve.

---