Në Korenë e Jugut testohen sërish pozitivë 91 ish të shëruar!

Në fakt, studiuesit në të gjithë botën kanë shpresuar që personat e infektuar do të zhvillojnë imunitet ndaj virusit pas infeksionit të parë dhe shërimit nga ai

Nga Koreja e Jugut u noftua të premten (sot) se 91 pacientë të cilët konsideroheshin se janë shëruar, pas testimit të sërishëm kanë rezultuar pozitivë testuar përsëri. Dhe kjo, brenda një kohe të shkurtër!

Në fakt, studiuesit në të gjithë botën kanë shpresuar që personat e infektuar do të zhvillojnë imunitet ndaj virusit pas infeksionit të parë dhe shërimit nga ai, shkruajnë mediat botërore.

Nëse numri i njerëzve të imunizuar është mjaft i madh, gjasat janë që të mund të shmanget një tjetër pandemi në të ardhmen, transmeton albinfo.ch. Porf, kjo shpresë, pas këtij lajmi ka filluar të lëkundet.

Jeong Eun-kyeong, drejtor i Qendrës së Koresë së Jugut për Sëmundjet, ka thënë se ka mundësi që pacientët të mos ishin infektuar për herë të dytë. Përkundrazi, virusi ka të ngjarë të jetë  “riaktivizuar” në trupin e tyre. Por ende nuk  dihet saktësisht se çfarë fshihet prapa trendit të ri. Hetimet po vazhdojnë.

Ekspertët gjithashtu dyshojnë se përgjegjëse për këtë zhvillim mund të jenë testet e pasakta, përcjell albinfo.ch. Është gjithashtu e imagjinueshme që pacientët akoma mbajnë virusin me vete, domethënë, testet e tyre janë pozitive, por ata persona nuk tregojnë simptoma dhe sëmundja e tyre nuk është ngjitëse.

---