Në mesin e viktimave të aksidentit në Kroaci, edhe një gjerman

Lajmin e ka bërë të ditur ministri i Jashtëm gjerman, Heiko Maas

Në aksidentin tragjik që ndodhi të dielën në Kroaci, ku janë raportuar 10 persona të vdekur, në mesin e tyre është edhe një gjerman.

Kështu ka bërë të ditur ministri i Jashtëm i Gjermanisë, Heiko Maas, përmes një postimi në llogarinë e tij në Twitter, përcjell Albinfo.ch.

“Së bashku me shokët tanë në Kosovë dhe Kroaci, ne mbajmë zi për viktimat e aksidentit të tmerrshëm të autobusit. Ekipet tona janë në kontakt të ngushtë për të ndihmuar të mbijetuarit. Ne tani kemi lajmin e trishtuar se në mesin e të vdekurve është edhe një gjerman”, ka shkruar Maas.

 

---