Në mungesë sigurie, Gjermania pezullon operacionet e shpëtimit në Turqi

Keystone EPA/NECATI SAVAS

Gjermania ka vendosur të pezullojë operacionet e shpëtimit në zonën e tërmetit në Turqi, duke përmendur si shkak sigurinë.

“Gjatë orëve të fundit, situata e sigurisë në rajonin Hatay me sa duket ka ndryshuar. Ka raportime për përplasje mes grupeve të ndryshme. Prandaj, ekipet gjermane të kërkim-shpëtimit, ISAR dhe THW do të qëndrojnë në kampin e përbashkët të ekipeve ndërkombëtare. ISAR dhe THW do të rifillojnë punën e tyre sapo të krijohen kushtet dhe të na informojë AFAD (Agjencia turke për fatkeqësi dhe ndihmë)”, thuhet në deklaratë, përcjell albinfo.ch.