Në nderim të heroit, anulohet aktiviteti për mërgimtarët

Ministria e Diasporës ka anuluar aktivitetin qendror, i paraparë të mbahet sonte në Prishtinë, në kuadër të manifestimit "Ditët e Mërgatës"

Në shenjë respekti për vdekjen e pjesëtarit të Policisë së Kosovës, Enver Zymberi, i cili e humbi jetën pas plagëve të marra gjatë aksionit të forcave speciale të policisë në pikat kufitare në veri të vendit, Ministria e Diasporës njofton se ka anuluar aktivitetin qendror, i paraparë të mbahet sonte në Komunën e Prishtinës, në kuadër të manifestimit “Ditët e Mërgatës”.

Në njoftim thuhet se Ministri i Ministrisë së Diasporës, Ibrahim Makolli, shpreh ngushëllimet më të thella për familjen e policit të vrarë, vepra e të cilit do të mbahet në mend gjithmonë si shembull　i sakrificës.