Në Offenbach, hapet shkolla e dytë për mësim plotësues në gjuhën shqipe

Krahas shkollës ekzistuese Albert Schweizer Schule, e cila suksesshëm vazhdon punën e saj, në qytetin Offenbach u hap shkolla e dytë shqipe, pra në Mathildeschule, transmeton albinfo.ch.

Në ceremoninë e hapjes, të organizuar nga Këshilli i prindërve, së bashku me mësuesen znj. Rejhane Dubova, ishte i pranishëm Konsulli i Përgjithshëm, Gëzim Gashi, i cili shprehu përkrahjen institucionale për shkollën shqipe.

Drejtoresha e shkollës, znj. Saliha Dahab, e pranishme në këtë ceremoni, u shpreh e lumtur që kjo shkollë do t’u mundësojë fëmijëve shqiptarë mësimin plotësues në gjuhën shqipe.

Njoftohen prindërit shqiptarë që gravitojnë në Offenbach dhe rrethinë, që tashmë krahas shkollës Albert Schweizer Schule, në varësi të distancës gjeografike, do të kenë mundësi alternative që fëmijët e tyre të vijojnë mësimin plotësues edhe në shkollën Mathildeschule, që gjendet në adresën si në vijim:

Mathildeschule

Mathildenstraße 30,

63065 Offenbach am Main