Njoftim, në prag të hapjes së shkollave në Kosovë

Instituti Kombëtar i shëndetësisë publike i Kosovës ka uruar të gjithë nxënësve dhe mësimdhënësve vitin e ri shkollor 2020/2021, duke rekomanduar zbatimin e rregullave te reja në shkollë për ruajtjen e shëndetit, raporton Albinfo.ch

“Instituti Kombëtar është në mbikqyrje të vazhduar të situatës epidemiologjike e në veçanti prioritet e ka shëndetin e fëmijëve.
Çdo shkollë do ta përcjellë shëndetin e çdo nxënësi përmes Task Forcës së saj dhe Task Forcës komunale duke bërë të mundur identifikimin në kohë reale” thuhet në njoftimin e IKSHP-së, transmeton Albinfo.ch

Instituti bën të ditur se çdo rast i dyshimtë i sëmundjes te fëmijët do të hulumtohet dhe gjurmohet menjeherë.