Anëtari i ri i Këshillit Federal është Guy Parmelin

Keystone

Ashtu siç mund të parashikohej nga rezultati i raundit të dytë, fitues në raundin e tretë dhe të fundit të zgjedhjeve për vendin vakant të Këshillit Federal u zgjodh Guy Parmelin nga Kantoni Vaud.

Pamelin, i lindur në vitin 1959 është me profesion vreshtar dhe konsiderohet si pjesëtar i vijës së moderuar të partisë së tij.

—–

As raundi i dytë i votimit nuk e ka nxjerrë fituesin. Favoriti i këtij votimi, Guy Parmelin ka dështuar të fitojë numrin absolut prej 120 votash që do t`i mundësonte zgjedhjen e drejtpërdrejtë për anëtar të Këshillit Federal, gjegjësisht ministër.

Kështu, Parmellin ka fituar 117 vota, Thomas Aesch 78 dhe Norman Gobbi, 20.

——

Deputetët e Asamblesë Parlamentare kanë kryer raundin e parë të votimit të tre kandidatëve të SVP/UDC-së dhe të katërtit, (Thomas Hurter) për vendin vakant në Këshillin Federal. Më së shumti vota, 90, ka fituar kandidati nga kantoni Vaud, Guy Parmelin. Në vendin e dytë dhe të tretë janë Thomas Aeschi me 61 dhe Norman Gobbi me 50 vota. I katërti është Thomas Hurter me 22 vota dhe e fundit, Viola Amherd nga CVP, me vetëm 16 vota.

Edhe në raundin e dytë votohet për të gjithë kandidatët ndërsa nga raundi i tretë, vetüem për dy prej tyre me rezultatin më të mirë.