Në Shqipëri rritet numri i përdoruesve të internetit në celular

(KEYSTONE/Christian Beutler)

Të dhënat e fundit të AKEP tregojnë se në periudhën prill-qershor të këtij viti, mesatarisht çdo shqiptar ka shpenzuar në celularë rreth 2.85 Gigabajt internet, që i bie se ka dërguar 3 mijë emaile e apo navigimin pa ndërprerje për 60 orë.

Sipas këtyre të dhënave, në rritje ishte edhe sasia e minutave të shpenzuar për të komunikuar nga celulari, e po ashtu rritje pati edhe numri i mesazheve, përcjell albinfo.ch.

Sipas këtyre të dhënave, krahasuar me një vit më parë, përdorimi i internetit në celular është rritur për 50 për qind, raporton portali monitor.

“Sasia e trafikut data (Internet) në rrjetet celulare gjatë T2 2018 ishte rreth 15 milionë GByte. Një përdorues aktiv i aksesit broadband celular ka përdorur 2.85 GB internet në muaj në T2 2018, që përbën një rritje me 7.2% në krahasim me T1 2018 dhe një rritje 46.2% krahasuar me T2 2017”,  thekson njoftimi.