Në veri të Shqipërisë, temperatura deri në minus 12 gradë Celsius

Shqipëria mbetet në ndikimin e të ftohtit polar, duke sjellë mot kryesisht të qëndrueshëm, ku kthjellime dhe vranësira te shpeshta do të ketë në bregdet dhe zonat e ulëta, ndërsa me vranësira të dendura dhe reshje të pakta dëbore paraqitet moti në skajin verior.

Sipas MeteoAlb, orët në vijim karakterizohen nga alternime kthjellimesh dhe vranësirash në gjithë territorin e Shqipërisë.

Era e ftohtë verilindore bën që i ftohti të ndjehet edhe më shumë.

Temperaturat e ajrit do të mbeten të ulëta në mëngjes dhe mesditë, duke luhatur vlerat ditore nga -12°C deri në 8°C.

Era vijon nga verilindja, duke arritur në momente të veçanta shpejtësinë 50 km/h nga drejtimi verior-verilindor, duke gjeneruar në det dallgëzim mbi 3 ballë.