Nëntë vite burg për shtetasin e Maqedonisë

Një shtetas nga Maqedonia është dënuar me nëntë vite burg nga Gjykata e Wilit në Zvicër, për shkak të kërcënimeve dhe rrahjeve të shumta.

Ai kërcënonte, gjuante me armë dhe godiste: Një pronar i një lokali në Flawil, është dashur të përgjigjet për veprat penale “përpjekje për vrasje”, “detyrim” dhe “kërcënim”.

Shtetasi maqedonas 36-vjeçar, para gjashtë vitesh kishte ardhur në Zvicër nga Italia. Më vonë i bashkohet edhe bashkëshortja dhe tre fëmijët e tyre të vegjël. Ai u vendos në Uzwil dhe menaxhonte një lokal në Flawil.

Akuzat e rëndojnë atë për përpjekje për vrasje, rrezikim të jetëve dhe shkaktim të lëndimeve trupore, detyrim të shumëfishtë, kërcënim dhe ofendim, si dhe shkelje të shumëfishtë të Ligjit për armëmbajtje. Përpos gjithë këtyre veprave, ai akuzohej se ka punësuar ilegalisht së paku shtatë shtetase të huaja dhe se  ka shkaktuar dëm material, shkruan “Tagblatt”, përcjell Albinfo.ch.

Prokuroria ka kërkuar 13 vite burg, gjobë në të holla prej 1800 frangash, 500 franga dënim si dhe ndalesë për hyrje në territorin zviceran në afat prej 15 vitesh. Nga ana tjetër, avokati mbrojtës ka kërkuar të dëbohet vetëm për shkelje të Ligjit për të huajt dhe shkaktim të dëmeve materiale.

Dënimi u shqiptua në procesin gjyqësor që u mbajt të premten, transmeton albinfo.ch. Shtetasi maqedonas u dënua me nëntë vite burg, gjobë në të holla prej 2700 frangash, dënim prej 500 frangash dhe dëmshpërblim prej 5000 frangash që e kishte kërcënuar një person. Pas vuajtjes së dënimit, ai do të dëbohet nga Zvicra dhe për 15 vite do t`i ndalohet hyrjanë te.