Nesër nis linja e autobusëve Prishtinë-Aeroport

Prej ditës së nesërme do të fillojë linja e rregullt e transportit publik Prishtinë-Aeroport, shkruan albinfo.ch.

Lajmin e ka bërë të ditur kryetari i Komunës, Shpend Ahmeti, i cili ka dhënë edhe detaje rreth çmimeve dhe ndalesave të autobusëve.

Autobusët do të udhëtojnë cdo orë nga Prishtina, duke filluar nga ora 3 e mëngjesit dhe çmimi i biletës do të jetë tri euro.

“Nisja është nga Stacioni i Autobusëve dhe autobusi do të niset deri në qendër për t’i mbledhur udhëtarët në rrugën ‘Xhorxh Bush’, te Katedralja dhe te Pallati i Rinisë”, ka njoftuar ndër të tjera Ahmeti, përmes një postimi në Facebook.