Nesër përpjekja e 52-të për konstituimin e Kuvendit të Kosovës, disa ambasadorë pjesëmarrës

Në Kuvendin e Kosovës nesër do të zhvillohet përpjekja e 52-të për konstituim, e fundit para skadimit të afatit kushtetues.

Në këtë seancë pritet të marrin pjesë ambasadorë të vendeve të huaja në Kosovë.

Ambasada e Gjermanisë ka bërë të ditur se ambasadori Jorn Rohde, bashkë me përfaqësues të tjerë ndërkombëtarë, planifikojnë të jenë të pranishëm në seancën që do të mbahet nesër nga ora 11:00 në Kuvend, transmeton albinfo.ch.

“Duke qenë se nesër është mundësia e fundit për të konstituuar Kuvendin para afatit të Gjykatës Kushtetuese, ambasadori Rohde, së bashku me kolegë të tjerë ndërkombëtarë, planifikon të marrë pjesë në seancën në parlament”, thuhet në njoftimin e ambasadës.