Nesër s’ka mësim në Kosovë

Ministria e Arsimit e Kosovës ka njoftuar se ka marr vendim që për shkak të temperaturave të ulëta që po mbretërojnë në Kosovë, të mërkurën të mos zhvillohet procesi mësimor në të gjitha shkollat.

Këshilltari i ministrit të Arsimit, Valmir Gashi ka thënë se dita e nesërme do të zëvendësohet me një ditë tjetër, përcjell albinfo.ch.

“Nesër nuk do të mbahet mësim në shkollat fillore dhe të mesme për shkak te motit të ligë. Ky vendim është marrë pak më herët”, ka thënë Gashi.

Temperaturat pritet të bien nesër, kurse për të enjten është paralajmëruar se ato do të shkojnë deri në -18 gradë Celsius, apo dita më e ftohtë e këtij dimri në Kosovë.