Nesër u jepet lamtumira e fundit në Kosovë dy të rinjve që vdiqën në Gjermani

Keystone (Matthias Balk/dpa via AP)

Nesër pritet t’u jepet lamtumira e fundit dy kosovarëve që vdiqën dje në aksidentin tragjik në Gjermani.

Teksa ka folur për Klan Kosova njëri nga familjarët e viktimave, ka njoftuar se trupat e pajetë të 13-vjeçarit dhe 17-vjeçarit janë nisur për në Kosovë, ndërsa varrimi do të bëhet gjatë ditës së nesërme, përcjell Albinfo.ch.

“Sonte janë nisur nga Gjermania kufomat e tyre dhe do të mbërrin në Kosovë. Në varrim pritet të ketë numër të madh të pjesëmarrësve”, ka thënë ai.

I njëjti ka dhënë detaje se bashkë me viktimat ishte edhe vëllai i tyre 14-vjeçar, i cili fatmirësisht shpëtoi mrekullisht nga aksidenti tragjik që tronditi vendin.