“New Born-i” rinovohet për dhjetëvjetorin e pavarësisë së Kosovës

Monumenti i pavarësisë së Kosovës “New Born” sot është larguar nga vendi i tij, për t’u rinovuar.

Sipas kreatorit, Fisnik Ismaili, ky monument do të rinovohet për t’u kthyer edhe më i bukur se që ka qenë, shkruan Albinfo.ch.

“NEW BORN sivjet po e merr trajtimin që e ka meritue edhe e ka pritë tash 10 vjet. Po e çojmë me i gërrye ngjyrat, ndryshkun edhe papastërtinë që e ka mbledhë ndër vite. Kthehet qeto ditë edhe më i bukur, me pamje të re, që tashmë është bë traditë”, ka shkruar ai në Facebook.

“New Born” është shndërruar në monument identifikues për shtetin e Kosovës në arenën ndërkombëtare.