Nga 1999-a, vjen për vizitë për herë të parë presidenti kinez në Zvicër

Këtë javë Xi Jinping do të kthehet në Zvicër për herë të parë që nga viti 1999. Këshilli Federal mirëpret presidentin kinez, Xi Jinping, duke vlerësuar si një shprehje e marrëdhënieve politikisht dhe ekonomikisht gjithnjë e më të ngushta në mes të Zvicrës dhe Kinës, bëhet e ditur në një njoftim nga Berna. Do të ketë fjalime dhe një darkë gala, përcjell albinfo.ch.

Vizita e fundit shtetërore e vitit 1999 kishte çuar në një përkeqësim të raporteve të rregullta diplomatike: gjatë pritjes zyrtare të presidentit të shtetit, Jang Zemin, me nderime ushtarake në Sheshin Federal, simpatizantë tibetianë kishin kërkuar liri për Tibetin.

Mysafiri nga Kina ishte zemëruar dhe kishte refuzuar të shtrëngonte duart me presidenten e atëhershme federale, Ruth Dreifuss. “Ju keni humbur një mik të mirë”, kishte thënë ai ashpër. Që atëherë, marrëdhëniet janë përmirësuar në mënyrë të konsiderueshme dhe kulmuan me nënshkrimin e marrëveshjes së tregtisë së lirë në vitin 2014