Nga sot mund të lexoni librin “Politika shtetërore për Diasporën”

Libri “Politika shtetërore për Diasporën” që nga dita e sotme mund të lexohet i plotë në faqen elektronike të ministrit të Shtetit për Diasporën, në dy gjuhë, shqip dhe anglisht.

Kështu ka njoftuar ministri i Shtetit për Diasporën, Pandeli Majko.

“Ky libër përmbledh të plotë kornizën e re ligjore që nga krijimi i institucioneve shtetërore, shtimi i burimeve financiare, materiale e njerëzore për këtë qëllim etj.”, ka shkruar ministri.

Libri është i vendosur sipas formatit klasik të një libri, në mënyrë që të shfletohet lehtësisht.

Materialet e paraqitura në këtë botim shërbejnë për informimin e shtetasve shqiptarë brenda dhe jashtë vendit mbi ecurinë e detajuar të strukturave shtetërore dhe legjislacionit të ri për marrëdhëniet me Diasporën shqiptare.

“Reforma e politikave shtetërore në fushën e Diasporës mbështetet në kërkesat imediate për implementimin e plotë të dispozitave kushtetuese për mbrojtjen e të drejtave të shqiptarëve që jetojnë jashtë territorit të Republikës së Shqipërisë, por edhe me promovimin e angazhimit të Diasporës me vendin e origjinës si dhe qasjen drejt një ndërgjegjeje evropiane për rëndësinë e Diasporës në ndërtimin e urave lidhëse midis vendeve pritëse dhe vendit të origjinës etj.”, ka shkruar ministri Majko në Facebook.

Librin mund ta gjeni në këtë link: https://online.flippingbook.com/view/38625/?fbclid=IwAR1QKgAlRSLpse6x_u_jk7npmB6aitEwXydZFO7zutdRzaiO38otm5KvDPs