Ngritje çmimesh të konsumit gjatë prillit në Zvicër

Benzina është shtrenjtuar në shkallën 3.7 për qind. Por shtrenjtim edhe më i madh është shënuar te çmimet e transportit ajror...

Gjatë prillit në Zvicër ka pasur konsumatorët janë përballur me një rritje çmimesh prej 0.7 për qind në krahasim me një muaj më parë. Sipas Zyrës Federale të Statistikave (BFS), ngritjen më të madhe të çmimeve në xhepin e tyre e kanë ndier vozitësit, shkruan sda.ch.

Benzina është shtrenjtuar në shkallën 3.7 për qind. Por shtrenjtim edhe më i madh është shënuar te çmimet e transportit ajror, transmeton albinfo.ch. Plot 4.9% më të shtrenjta kanë qenë builetat e aeroplanit në prill, krahasuar me muajin mars.

Ndërsa shtrenjtime të mëdha janë regjistruar te çmimet e artikujve të veshmbathjes. Gratë për fustana dhe xhaketa kanë paguar rreth 22% më shumë se një muaj më parë, ndërsa për pantallonat 7%. E pantallonat e burrave gjatë kësaj periudhe janë shtrenjtuar me 5.4%.

Nga ana tjetër, zbritje çmimesh ka pasur në hoteleri (minus 5.1%), te artikujt si syze dhe lente (minus 5.4%) etj. Po ashtu më lirë se në mars kanë kushtuar gjatë prillit edhe produktet për mirëmbajtjen e trupit, por edhe kafeja dhe frutat e malit, përcjell albinfo.ch. Një ulje të vogël në fund të sezonit të ngrohjes e ka pasur edhe çmimi i gazit për ngrohje.

---