Nis peticioni për bashkimin e Mitrovicës

Ka nisur peticioni për bashkimin e Mitrovicës. Një ndër të parët që e ka nënshkruar ka qenë kryetari Agim Bahtiri. 

Derisa, në Kuvendin Komunal është diskutuar kjo iniciativë që ka marrë mbështetjen nga të gjitha subjektet politike. 

Bahtiri tha se MAPL-ja ka gabuar dhe ka bërë një veprim skandaloz. 

“Kërkesa jonë është shumë legjitime dhe e ftoj ministrinë që ta shqyrtojë edhe një herë kërkesën. Po ju them me plot bindje, i sigurt se kërkesa jonë do të zbatohet pikë për pikë. Kryetari i Komunës nuk sjell diçka në Kuvend pa marrë mbështetje. Këtë iniciativë e përkrahin të gjitha partitë në qendër. Nuk kemi nisur diçka që të mbesim në gjysmë të rrugës. Unë e kam shumë përnjëmend”, është shprehur Bahtiri.