Kuvendi mban seancë për Epopenë e UÇK-së

Përkujtohet në përvjetorin e masakrimit Adem Jashari, simboli i pavarësisë së Kosovës

22 vjet nga rënia heroike e familjes Jashari, Kuvendi i Kosovës organizoi një seancë solemne për shënimin e 22-vjetorit të Epopesë së UÇK-së.

Për nder të kësaj seance, në Kuvend pjesëmarrës ishin përfaqësues nga familja Jashari, si dhe personalitete nga institucione të ndryshme, përfshirë komandantin e FSK-së, Rrahman Rama dhe drejtori i AKI-së, Kreshnik Gashi.

Në 22-vjetorin e rënies heroike të komandantit legjendar, Adem Jashari, familjes Jashari, dëshmorëve të kombit si dhe të gjithë të rënëve për liri, Qeveria e Kosovës më 5, 6 dhe 7 mars organizon manifestimin gjithëpopullor “Epopeja e Ushtrisë Çlirimtare të Kosovës”.

Rifat Jashari, kryefamiljar i familjes të komandantit Legjendar Adem Jashari, po merr pjesë si i ftuar i veçantë në seancën e organizuar nga Kuvendi i Kosovës për nder dhe në kujtim të veprës së familjes Jashari.

Rifat Jashari shihet i shoqëruar nga gjeneratat e reja të familjes Jashari.

Kujtojmë se në mars të vitit 1998 janë flijuar 56 anëtarë të familjes Jashari.

---