NISMA-AKR-PD kaloi ‘pragun’ për 30 vota

Fatmir Limaj ka thënë se edhe zyrtarisht kanë kaluar pragun

Kryetari i Nismës Socialdemokrate, Fatmir Limaj, ka thënë se përfundimisht koalicioni NISMA-AKR-PD do të pjesë e Kuvendit të Kosovës.

Kreu i Nismës ka thënë se pas përfundimit të rinumërimt të mbi 1400 vendvotimeve dhe numërimit të të gjitha votave të rregullta, vullneti i qytetarëve të Kosovës u lexua.

Nisma dhe koalicioni i saj do të jenë pjesë e Kuvendit të Kosovës, shkruajnë mediat vendore.

“Tanimë mund të flasim për një rezultat të rregullt zyrtar. Me këtë rast, falënderojë anëtarët, simpatizantët dhe votuesit e koalicionit tonë për mbështetje në këtë garë zgjedhore! Ashtu siç kemi thënë nga fillimi Nisma dhe koalicioni ynë do të jenë pjesë e Kuvendit të Kosovës falë votes dhe mbështetjes se mbi 42 mijë votuesve”, ka shkruar ndër të tjera Limaj, përcjell albinfo.ch.

Sipas mediave vendore, ai ka kaluar pragun për 30 vota.

Në fund ai ka uruar të gjithë votuesit e koalicionit NISMA-AKR-PD.

---