Një “Cyber-Classroom” nga Shtutgarti për fëmijët e Suharekës

Kjo “klase kibernetike” mundëson që përmbajtjet e ndërlikuara nga shkencat natyrore të bëhen të kuptueshme

Firma nga Shtutgarti për vizualizim dhe realitet virtual Visenso i ka dhuruar Qendrës Rinore “Fellbach-haus” (Shtëpia e Fellbahut) në Suharekë një version të stabilimentit mësimor tredimensional “Cyber-Clasroom”.

Kjo “klase kibernetike” mundëson vizualizimin e përmbajtjeve të ndërlikuara nga shkencat natyrore, duke i bërë ato të kuptueshme. Softueri i saj mundëson lidhjen e drejtpërdrejtë me materien mësimore, shkruan “Stuttgarter Nachrichten”.

Fellbach-Haus u ofron fëmijëve dhe të rinjve në Kosovë ndihmë në lëmin e arsimit, në çështje të pajtimit dhe në “pedagogjinë e paqes”. Ajo mundëson po ashtu ehde kualifikime profesionale.

Fëmijët dhe të rinjtë e Suharekës janë të entuziazmuar nga teknologjia 3D”, thotë Martin Zimermann, udhëheqës i Visenso GmbH. “Jemi të lumtur që mundemi të ndihmojmë Shtëpinë e fellahut, duke plotësuar përpjekjet e saj shkollore me një dimension të ri mësimi.”

Dorëzimi i “Cyber-Clasroom” është bërë me rastin e nënshkrimit të marrëveshjes miqü¨sore në mes të kryetarit të Shtutgartit, Palm dhe atij të Suharekës, Blerim Kuçi.