Në Brazil prodhoheshin vetura false Lamborghini

Policia në Brazil ka mbyllur një fabrikë klandestine që po prodhonte Ferrari dhe Lamborghini false

Baba dhe bir zotëronin një fabrikë në Santa Catarina, ku prodhonin veturat dhe të dy janë arrestuar, përcjell albinfo.ch.

Policia thotë se veturat po ofroheshin në media sociale për shumat prej 40 mijë deri në 60 mijë dollarë. Kjo është vetëm një pjesë e vogël e çmimit origjinal të superveturave.

Zyrtarët nuk bënë të ditur se çfarë pjesësh po përdoreshin për ndërtimin e këtyre makinave, por fotot e lëshuara tregojnë për trupat e këtyre supermakinave, si dhe logot që ka brendi i njohur italian.

Kjo basjtisje erdhi pasi që kishte ankesa nga kompanitë italiane. Tetë makina gati të përfunduara janë konfiskuar në këtë bastisje dhe policia ka treguar se po heton sa të tillë janë shitur.

---