Një kontingjent nga Shqipëria i bashkohet KFOR-it në Kosovë

Niko Peleshi, FB

Një kontingjent nga ushtria e Shqipërisë i është bashkuar misionit të KFOR-it në Kosovë.

Ministri i Mbrojtjes, Niko Peleshi, ka thënë se me këtë veprim Shqipëria shton kontributin në aleancën ushtarake.

“Pjesëmarrja jonë në këtë mision të NATO-s është një tregues i qartë i vendosmërisë së Shqipërisë për të ndihmuar dhe mbrojtur paqen në rajon. Duke njohur rëndësinë e madhe të KFOR-it për Kosovën dhe Ballkanin Perëndimor, Forcat tona të Armatosura janë gati të shërbejnë përkrah kolegëve të tyre ndërkombëtarë, duke konfirmuar rolin tonë si eksportues të paqes dhe sigurisë globale”, ka shkruar ai në Facebook, përcjell albinfo.ch.