Një person vret 10 veta në një kolegj amerikan

Dhjetë persona kanë vdekur mbrëmë nga të shtënat me armë në Oregon të SHBA-së. Një person ende i paidentifikuar, në një kolegj të këtij qyteti ka gjuajtur me armë rreth vetes duke vrarë këtë numër personash dhe duke plagosur rreth 20 të tjerë. Siç njoftonte mbrëmë televizioni CNNdhe gazeta lokale “Oregonian” bëhej fjalë madje për 15 të vdekur.

Policia ka bërë të ditur se drama ka ndodhur në Umpqua Community College të shtetit Oregon në perëndim të SHBA-së.

Rreth fatit të vrasësit kanë qarkulluar versione të ndryshme. Përderisa në njërin version thuhej se ai është arrestuar, në tjetrin flitet se në mesin e të vrarëve është edhe vrasësi. Dhe në fund vërtetohet se 20 vjeçari është vrarë gjatë shkëmbimit të zjarrit me policinë.

Nuk dihet shumë as për motivin e vrasjes. Dëshmitarët thonë se ai i ka pyetur viktimat e veta për religjionin e tyre dhe pastaj i ka vrarë pa dallim.

Mediet amerikane ndërkohë njoftojnë se një ditë më parë në forumet e medieve sociale është komunikuar për krimin e mundshëm që do të ndodhte të nesërmen. Por askush nga pjesëmarrësit në këto debate nuk e kishte njoftuar policinë.

Ndërkaq presidenti Obama duke iu drejtuar kombit ka përsëritur i dëshpëruar kërkesën e tij për ashpërsimin e ligjit për mbajtjen e armës.