Një rast i pazakontë trafikimi njerëzor trondit Bernën

Trafikimi i qenieve njerëzore në Bernë: Policia heton 40 viktima meshkuj

Policia kantonale e Bernës ka zbuluar një rast trafikimi të qenieve njerëzore në qytetin e Bernës. Një burrë 34-vjeçar dyshohet se që nga viti 2016 ka sjellë në Zvicër punonjës meshkuj nga vende të ndryshme dhe i ka shfrytëzuar ata për qëllime seksuale, përcjell albinfo.ch.

Sipas autoriteteve, viktimat ishin burra nga Spanja, Brazili, Kolumbia, Venezuela dhe Republika Çeke, të cilët ofronin shërbime ekskluzivisht për klientë meshkuj. Deri tani, policia ka hetuar 40 viktima të mundshme dhe ka identifikuar 14 prej tyre.

Kujtojm; se i dyshuari u arrestua në janar 2025 gjatë një operacioni policor në apartamentin e tij në Bernë, ku u gjetën dhe u morën në pyetje tre punonjës të tjerë meshkuj. Ai ndodhet aktualisht në paraburgim, ndërsa hetimet vazhdojnë. /Albinfo.ch

Për më shumë  detaje – https://www.srf.ch/news/schweiz/prostitution-in-der-stadt-bern-menschenhandel-in-bern-polizei-ermittelt-40-maennliche-opfer

---