Një tërmet 3.3 shkallësh ka dridhur sot Bernën

Tërmeti ka ndodhur të hënën në orën 14:27:35 pasdite (sipas kohës lokale), dhe kishte një fuqi prej rreth 3.3 ballësh të Rihterit

Një tërmet uështë regjistruar sot pasdite rreth shtatë kilometra në jugperëndim të Bernës

Shërbimi Sizmologjik Zviceran në universitetin ETH të Cyrihut ka regjistruar një tërmet rreth shtatë kilometra në jugperëndim të Bernës, raportomn sda.ch.

Tërmeti ka ndodhur të hënën në orën 14:27:35 pasdite (sipas kohës lokale), dhe kishte një fuqi prej rreth 3.3 ballësh të Rihterit.

Tërmeti ishte qartë i dukshëm në zonat afër epiqendrës.

Një punonjëse e Inselspital-it të Bernës ishte ulur në zyrë me kolegët e saj të punës, transmeton albinfo.ch. “Papritmas e gjithë zyra u trondit, dosjet në tryezë po lëviznin dhe shishja e ujit po dridhej”, thotë 24-vjeçarja, duke përshkruar përshtypjet e saj.

Tërmeti ka zgjatur midis pesë dhe dhjetë sekonda.

Sipas Mauro Häusler nga Shërbimi Sizmologjik Zviceran, bëhej fjalë për një tërmet relativisht të dobët, i cili është relativisht i zakonshëm në këtë vend. “Jo saktësisht në Bern, por në Valis gjithmonë kemi dridhje të kësaj madhësie,” shpjegon sizmologu, përcjell albinfo.ch. Zvicra Qendrore, Bazeli dhe Graubündeni janë gjithashtu pika të nxehta.

Në parim, megjithatë, mund të ketë tërmete më të vogla kudo në Zvicër.

 

---