Njoftim për shqiptarët në Itali nga Ambasada e Kosovës

Ambasada e Kosovës në Itali ka dhënë një njoftim sot, sipas së cilës ka ftuar të gjithë shtetasit e Republikës së Kosovës me vendbanim në Itali të respektojnë masat dhe protokollet për parandalimin e Covid 19, në përputhje me normat e Dekretit (DPCM) të Qeverisë italiane të datës 3 nëntor 2020, transmeton albinfo.ch.

Njoftimi i plotë:

Ftojmë të gjithë shtetasit e Republikës së Kosovës me vendbanim në Itali, të respektojnë masat dhe protokollet për parandalimin e Covid 19, në përputhje me normat e Dekretit (DPCM) të Qeverisë Italiane të datës 3 nëntor 2020.

Të gjithë shtetasit kosovarë që kanë lënë takim pranë Zyrës Konsullore në Ambasadën e Kosovës në Romë, por që nuk mund të udhëtojnë dot jashtë zonës ku jetojnë për shkak të kufizimeve, janë të lutur të kontaktojnë përmes numrit të telefonit:

06/85356571;

e-mailit: consulate.rome@rks-gov.net;

si dhe mesazheve në llogarinë zyrtare në facebook: Ambasada e Republikës së Kosovës në Itali;

për caktimin e një date të dytë, kur kushtet ta mundesojnë një gjë të tillë, në përputhje dhe sipas masave ligjore në fuqi. /Albinfo.ch