Njohja e patentë shoferëve shqiptarë në rend ditës në Këshillin Federal të Gjermanisë

Ky është një lajm i mirë për të gjithë mërgimtarët që duan të vendosen në Gjermani

Njohja e patentave shqiptare dhe kosovare për emigrantët me banim në Gjermani së shpejti pritet të bëhet më e lehtë.

Kjo do të diskutohet në mbledhjen e Këshillit Federal, më 11 Shkurt, përcjell albinfo.ch.

Lajmin e ka bërë të ditur Besnik Kelmendi, politikani shqiptar në Gjermani, pjesë e CDU-së.

“Ashtu siç ju kam informuar më 6 Janar 2022, mund t’jua them me siguri të plotë se sot zyrtarisht futet në rend ditë për seancën e ardhshme të Bundesratit, më 11 Shkurt 2022 çështja e patentave të shoferëve. Ky është një lajm shumë i mirë për të gjithë bashkëkombasit tanë që jetojnë apo që pretendojnë të zhvendosën në Gjermani”, njofton ai.

Sipas draftit të dorëzuar në fund të dhjetorit në Këshilin Federal, qeveria gjermane propozon njohjen e patentave nga Shqipëria pa provime në teori dhe praktike për pothuajse të gjitha kategoritë:

A1, A2, A, B, BE, C1, C1E, C, CE, D1, D1E, D dhe DE. Vetëm për patentat nga Shqipëria që i përkasin kategorisë AM për konvertimin do të kërkohet një provim praktik.

Për lejet e drejtimit nga Kosova është parashikuar konvertimi pa provime shtesë në këto kategori:  AM, A1, A2, A, B, BE, C1, C1E, C, CE, D1, D1E, D dhe DE.

https://www.bundesrat.de/SharedDocs/drucksachen/2021/0801-0900/858-21.pdf?__blob=publicationFile&v=1&fbclid=IwAR1iDvorHhcdzNd7om3QU6deRWQivnnHbJ955hVN-H1xFWJegVnRMTI3hfU

---