Nobelisti Ferid Murad shpallet Qytetar Nderi i Kosovës

Fituesi i çmimit Nobel për medicinë, Ferid Murad, me ftesë të Universitetit Amerikan në Kosovë (AUK), më 16 qershor do të vizitojë Kosovën. Gjatë kësaj vizite ai do të mbajë një ligjëratë për studentët e AUK-ut dhe do të njihet më për së afërmi me punën e këtij universiteti.

AUK ka propozuar dhe Presidenca e ka pranuar kërkesën që ai të shpallet Qytetar Nderi i Republikës së Kosovës nga presidentja Atifete Jahjaga.

Gjatë vizitës, Murad to të takohet edhe me personalitete të tjera në Kosovë nga fusha e mjekësisë, shkencës, politikës dhe shoqëria civile.

Feris Murad fitoi çmimin Nobel për medicinë në vitin 1998 me dy shkencëtarë të tjerë.

Ai tani është profesor në Universitetin George Washington dhe  udhëheqës i laboratorit të Biokimisë dhe Biologjisë Molekulare në këtë universitet.

Ditë më parë ai mori shpërblimin Qytetar Nderi i Tetovës.