Nuk do të ketë tatim të dyfishtë ndërmjet Kosovës dhe Maqedonisë

Një marrëveshje e tillë eshtë nënshkruar sot në Prishtinë nga ministrat e financave, Bedri Hamza dhe Zoran Stavrevski

Republika e Kosovës dhe ajo e Maqedonisë kanë nënshkruar marrëveshjen për shmangien nga tatimi i dyfishtë, që parasheh eliminimin e tatimeve, siç janë tatimit në fitim të korporatave, tatimit në fitim të ardhurave individuale dhe tatimit në pronë, raportojnë mediat në Prishtinë.

Marrëveshja e nënshkruar në Prishtinë nga ministrat e financave, Bedri Hamza dhe Zoran Stavrevski, u mundëson qytetarëve të dy vendeve të mos paguajnë dy herë tatim në të ardhura dhe fitimin e realizuar.

Hamza dhe Stavrevski thanë se presin që marrëveshja t’i rritë investimet, ta zgjërojë këmbimin tregtar, t’i zhvillojë marrëdhëniet ndërmjet dy vendeve dhe ta përmirësojë klimën e biznesit.