Në këtë mbledhje u votua që edhe kontaktet e personave të infektuar me Covid të vetizolohen për 14 ditë, e të mos kenë kontakte me persona të tjerë, rekomandim ky i cili ishte bërë publik nga OBSh-ja, që nga fillimi i pandemisë.

Tutje sipas ministrit të Shëndetësisë, Armend Zemaj, bartja e maskave dhe përdorimi i dezinfektuesve është e obligueshme në veçanti për veprimtaritë tregtare, si furrat, marketet e barnatoret, si dhe në sektorin e gastronomisë.

Derisa në masën e 26-të thuhet se Ministria e Shëndetësisë dhe IKSHPK-ja do ta përcjellin gjendjen dhe nëse rëndohet situata, atëherë do të kërkohet kthimi i masave rigoroze të rekomanduara sipas OBSH-së.

Pavarësisht kësaj, ka pasur kërkesa për lejimin e operimit të klubeve të natës.

Përmes Shoqatës së Gastronomëve, klubet kanë kërkuar bashkëpunim me Qeverinë, që përmes masave adekuate t’u lejohet operimi nga 15 korriku.

Edhe Shoqata e Hotelerisë dhe Turizmit ka reaguar pas vendimit për moslejimin e tubimeve me mbi 50 persona në hapësira të mbyllura, shkruajnë mediat shqiptare, përcjell albinfo.ch