Numrat e Covid-it vazhdojnë të bien në Zvicër

(KEYSTONE/TI-PRESS/ Massimo Piccoli)

Siç tregojnë shifrat javore të publikuara të martën nga Zyra Federale e Shëndetit Publik (BAG), trendi në rënie vazhdon ende: 16,606 infeksione të reja janë regjistruar në Zvicër që nga 26 prilli, njofton albinfo.ch.

Për krahasim, 22,730 raste ishin regjistruar në Zvicër në një hark kohor prej shtatë ditësh në periudhën e mëparshme raportuese, midis 19 dhe 26 prillit.

Pranimet në ICU të lidhura me Covid mbeten të qëndrueshme, me 56 pacientë të shtruar aktualisht në spital në Zvicër, kundrejt 69 javës së kaluar.

Që nga fillimi i prillit, kur kufizimet e mbetura të koronavirusit ishin hequr, BAG nuk raporton me shifra ditore, duke iu drejtuar në vend të kësaj raporteve të situatës të lëshuara një herë në javë të martën.