Nxënësit pushojnë deri të hënën, shkaku i motit të ligë

Ministri i Arsimit, Shkencës dhe Teknologjisë së Kosovës, Shyqiri Bytyqi, ka marrë vendim që të vazhdohet ndërprerja e mësimit në të gjitha institucionet e arsimit parauniversitar deri të hënën.

Ky vendim është marrë pas mbledhjes së raporteve për gjendjen e krijuar nga temperaturat e ftohta nëpër komuna dhe në konsultim me Drejtoritë Komunale të Arsimit, si dhe duke pasur parasysh të dhënat që dalin nga Instituti Hidro-Meteorologjik i Kosovës, përcjell albinfo.ch.

Ditët e humbura të mësimit do të zëvendësohen gjatë këtij gjysmë-vjetori në konsultim me Drejtoritë Komunale të Arsimit, thuhet në njoftimin e ministrisë.