OBSH: 180 lloje vaksinash anti-Covid, në zhvillim e sipër

Rreth 180 vaksina për të luftuar COVID-19 janë në zhvillim në gjithë botën, duke përfshirë 35 në testime njerëzore, tha sot kreu i OBSH-së, Tedros Adhanom Ghebreyesus.

“Asnjë sëmundje në histori nuk ka parë një zhvillim kaq të shpejtë në kërkime. Është një dëshmi e përparimeve të pabesueshme në shkencë dhe teknologji, që bota ka bërë në vitet e fundit”, tha ai për gazetarët, raporton atsh, përcjell Albinfo.ch.

“Duhet të përputhet me ambicien për t’u siguruar që sa më shumë persona të kenë qasje ndaj tyre”, shtoi Tedros.

E pyetur në lidhje me pretendimet e ndryshme për mbërritjen e vaksinave, kryeshkencëtarja e OBSH-së, Soumya Swaminathan, tha se njerëzit duhet të kenë parasysh se provat klinike duan kohë dhe nuk mund të nxitohen.