OBSH miraton edhe një vaksinë kundër koronavirusit

Kjo vaksinë, 78 për qind efikase, rekomandohet për të gjitha grupmoshat nga 18 vjeç.

Organizata Botërore e Shëndetësisë dha sot miratimin urgjent për një tjetër vaksinë kundër COVID-19, Covaxin, e para e zhvilluar plotësisht në Indi dhe e teta që merr këtë miratim.

“Ajo kërkon dy doza me një distancë prej katër javësh, por është veçanërisht e përshtatshme për vendet me të ardhura të ulëta dhe të mesme për shkak të lehtësisë me të cilën mund të ruhet”, sipas një deklarate të OBSH-së, transmeton Afp, përcjell Albinfo.ch.

Është vaksina e parë e zhvilluar dhe e prodhuar tërësisht në Indi që ka marrë miratimin nga organizata e OKB-së.

Ajo u bashkohet në listë vaksinave kundër COVID-19 nga Pfizer/Biontech, Moderna, Astra Zeneca, Johnson & Johnson, Sinopharm dhe Sinovac.

 

---