OKB: Më shumë se gjysma e ukrainasve të larguar strehohen në Poloni

Keystone (AP Photo/Bernat Armangue)

Organizata e Kombeve të Bashkuara thotë se më shumë se 7 milionë ukrainas janë larguar nga vendi që nga nisja e sulmit rus më 24 shkurt.

Pushtimi rus i Ukrainës ka shkaktuar eksodin më të madh të viteve të fundit në botë. Organizata e Kombeve të Bashkuara deklaroi të shtunën se 7.3 milionë ukrainas janë larguar nga vendi që nga nisja e konfliktit më 24 shkurt të këtij vitit.

Llogaritja e numrit të refugjatëve është bërë në bazë të të dhënave që qytetarët kanë deklaruar në pikat kufitare të shteteve ku ata kanë hyrë. Sipas OKB-së, shifra mund të rritet nëse konflikti vijon. Ndërkohë që të dhënat zyrtare mungojnë për numrin e emigrantëve ukrainas që kanë hyrë në territorin e Federatës Ruse.

Rreth 3 milionë refugjatë strehohen në Poloni. Ndërsa në me qindra-mijëra numërohen në shtetet kufitare si Sllovaki, Hungari dhe Moldavi. Gjermania ka strehuar rreth 800 mijë.

Në total janë mbi 44 shtete të botës që kanë pranuar të strehojnë refugjatë ukrainas. Para nisjes së konfliktit, Ukraina numëronte 37 milionë banorë rezidentë./Euronews