Opozita: Të mos nënshkruhet marrëveshja për termocentralin “Kosova e Re”

Lëvizja Vetëvendosje ka thënë se duhet të ndalet nënshkrimi i projektit për ndërtimin e Termocentralit “Kosova e Re”.

Nënshkrimi i kontratës me “Contour Global” u paralajmërua se do të bëhet në prill nga ministri i Zhvillimit Ekonomik, Valdrin Lluka. Me këtë, sipas VV-së, çrregullohet tregu i energjisë elektrike në vend dhe kompania krijon monopol.

“Asnjë bllok si ‘Kosova A’, në rajon e më gjerë, nuk është dekomisionuar, por janë rindërtuar apo riparuar – blloqet e rindërtuara të Termocentrali Kosova A do të kishin rritje të rendimentit mbi 20 për qind, gatishmëri me 7 mijë e 300 orë fuqi të plotë, siguri si bllok i ri dhe do të ishte e sigurt në raport me mjedisin. Rindërtimi realizohet për 4 vjet, angazhohen vetëm 210 milionë euro, e fitohen 3 blloqe nga 200 Megavatë me koogjenerim”, thuhet në reagimin e VV-së.