Opozita në Kuvendin e Kosovës, pati tejkalim të autorizimeve kushtetuese

LDK-ja, duke e cilësuar skandal dëbimin e tyre, ka kërkuar që Kuvendi të miratojë një rezolutë me 4 pika. Partitë opozitare, LDK-ja dhe VV-ja, kanë akuzuar presidentin Thaçi se është urdhërdhënësi i aksionit

Me kërkesën e LDK-se dhe Vetëvendosjes, Kuvendi i Kosovës po debaton në seancë të jashtëzakonshme për deportimin e gjashtë shtetasve turq. Opozita në Kuvend ka thënë se është bërë tejkalim i autorizimeve kushtetuese dhe duhet dikush të marrë përgjegjësi. Opozita ka akuzuar kryeministrin Haradinaj dhe presidentin Thaçi.

LDK-ja, duke e cilësuar skandal dëbimin e tyre, ka kërkuar që Kuvendi të miratojë një rezolutë me 4 pika. Partitë opozitare, LDK-ja dhe VV-ja, kanë akuzuar presidentin Thaçi se është urdhërdhënësi i aksionit, derisa kanë thënë se ai e kishte anashkaluar tërësisht kryeministrin.

Duke e dënuar dëbimin e shtetasve turq, shefat e grupeve parlamentare të PDK-së, AAK-së dhe Nismës kanë kërkuar përgjegjësi dhe informata shtesë për rastin. Por në mbrojtje të këtij aksioni të dëbimit është shprehur deputeti turk në Kuvendin e Kosovës,  Fikrim Damka i cili e ka quajtur terroriste organizatën Feto.  Në seancë, në emër të qeverisë ka folur Ministri i Drejtësisë, i cili u mundua ta justifikojë dëbimin pa folur në përgjithësi për numrin e të dëbuarve në Kosovë.