Opozita në Shqipëri paralajmëron protestë për 16 shkurt

Partia Demokratike, pas mbledhjes së Kryesisë, ka njoftuar se do t’u kthehen protestave opozitare. Drejtuesit e kësaj partie kanë thënë se është marrë vendimi që më 16 shkurt të organizohet një tubim madhështor në kryeqytet.

Protesta do të nisë në orën 11:00, ndërkohë që ajo do të paraprihet nga disa protesta në shumë qytete të tjera të Shqipërisë, përcjell albinfo.ch

Përgatitjet për protesta mbarëpopullore u njoftuan nga vetë kryetari i PD-së, Lulzim Basha, të hënën në Kuvend, kur edhe nisi sesioni i ri parlamentar.