Osmani dhe kryeministri i Greqisë dakordohen për thellim të bashkëpunimit

Presidentja e Kosovës, Vjosa Osmani, në kuadër të takimeve gjatë pjesëmarrjes në Komunitetin Politik Evropian në Pragë, ka takuar të premten kryeministrin e Greqisë, Kyriakos Mitsotakis, ka njoftuar zyra e presidentes, përcjell albinfo.ch.

Në njoftim mes tjerash thuhet se në takim me kryeministrin Mitsotakis, Presidentja Osmani ka theksuar nevojën e përfundimit sa më parë të procesit të liberalizimit të vizave për qytetarët e Kosovës dhe nevojën për avancimin e rrugës euroatlantike të Kosovës, përfshirë anëtarësimin në Këshillin e Evropës.

Presidentja Osmani ka përsëritur përkushtimin e Kosovës për bashkëpunim të ngushtë me Greqinë në çështjet me interes të ndërsjellë.