Osmani: Kushdo që është kundër aksionit të sotëm, është në anën e krimit të organizuar

Presidentja e Kosovës, Vjosa Osmani, ka reaguar për aksionin e sotëm të policisë kundër kontrabandës 

Osmani ka thënë se krimi s’ka etnitet dhe se kushdo që e kundërshton aksionin e policisë, është në anën e krimit të organizuar.

“Lufta kundër krimit të organizuar është e panegociueshme dhe duhet të jetë e kampromis. Policia e Kosovës dhe Autoritetet e Doganave ndërmorën një aksion legjitim kundër grupeve të organizuara kriminale të përfshira në kontrabandë, në disa lokacione në Republikën e Kosovës. Krimi s’ka etnitet dhe duke e lidhur në mënyrë false aksionin e sotëm me grupe etnike, është thellësisht e papërgjegjshme dhe do të shërbejë vetëm për rritjen e tensioneve. Kushdo që është kundër këtij aksioni, është në anën e krimit të organizuar dhe kundër vlerave të sundimit të ligjit të BE-së”, ka shkruar presidentja Osmani.

---