Osmani takon Ndihmës Sekretarin e Shtetit të SHBA-ve, diskutuan për situatën aktuale

ZPRK

Presidentja e Republikës së Kosovës, Vjosa Osmani në kuadër të forumit global të sigurisë GLOBSEC 2024 në Pragë, është takuar të shtunën me Ndihmës Sekretarin e ri të SHBA-ve për Ballkanin Perëndimor, Alexander Kasanof.

“Kënaqësi të takoj në Pragë, Ndihmës Sekretarin e Shtetit të SHBA-ve, Alexander Kasanof. Diskutim përmbajtjesor mbi zhvillimet e fundit, rëndësinë vendimtare të angazhimit proaktiv e të shtuar të Shteteve të Bashkuara për paqe të qëndrueshme në rajon, si dhe mbi dialogun Kosovë-Serbi”, ka shkruar Osmani.