Osmani: Vetëm të bashkuar, i dalim zot Republikës sonë

“Nuk ishte fundi i komandantit, ky ishte përjetësimi i tij dhe familjes Jashari në themelet e shtetit të Kosovës. Ata mbrojtën identitetin dhe nuk pranuan të nënshtrohen"

Në Akademinë Përkujtimore në shënim të përvjetorit të Epopesë së lavdishme të UÇK-së, presidentja në detyrë, Vjosa Osmani bëri thirrje për unitet

Duke kujtuar sakrificën e familjes Jashari, ajo është shprehur se komandanti Adem Jashari ishte i bindur se pa një rezistencë të armatosur liria ishte e paarritshme.

“Nuk ishte fundi i komandantit, ky ishte përjetësimi i tij dhe familjes Jashari në themelet e shtetit të Kosovës. Ata mbrojtën identitetin dhe nuk pranuan të nënshtrohen. Ata e mbrojtën shtëpinë sepse ajo sikurse shteti është territor sovran për të cilin flijohet edhe jeta. Obligohemi që rrugën e nisur atëherë ta vazhdojmë duke e bërë shtetin tinë të fortë. Të bëhemi bashkë, më shumë se kurrë na duhet vullnet e dashurin për t’i dalë zot republikës sonë”, ka thënë veç tjerash Vjosa Osmani.

---