Pacolli paralajmëron tri njohje nga Azia

Ish-presidenti Behgjet Pacolli ka paralajmëruar tri njohje nga tri shtete të Azisë Jugore. Ai ka thënë se Pakistani, Bangladeshi, por edhe Sri Lanka mund ta njohin shpejt Kosovën.

Gazeta Express shkruan se “Pacolli është i bindur për këto njohje pas vizitës që ka bërë në kapacitet privat në Islamabad duke përmendur emrat e Pakistanit, Bangladeshit dhe Sri Lankës”.

Pacolli ka thënë se i ka sjell shumë njohje Kosovës dhe nuk do të ndalet në këtë drejtim. Megjithë paralajmërimet për njohje të reja në Ministrinë e Punëve të Jashtme (MPJ) nuk i kanë komentuar. Zëdhënësi i MPJ ka thënë se “nuk mund të jepen deklarata sa u përket njohjeve pa i marr notat verbale”.