Panairi Gjergj Kastrioti Skënderbeu, bashkon më shumë se 100 shoqata në Nju-Jork

Më shumë se 100 shoqata do të jenë të pranishme në panairin e rrugës Gjergj Kastrioti Skënderbeu, i cili do të mbahet më 19 maj në Nju-Jork, përcjell albinfo.ch.

Ky event i përvitshëm i lejon komunitetin shqiptaro-amerikan të bashkohet dhe të festojë traditat dhe kulturën tonë të pasur me argëtim, ushqim, lojëra dhe shumë më tepër.

Në një  komunikatë  për media, organizatori i këtij festivali, Mark Gjonaj, duke falënderuar komunitetin për mbështetjen e vazhdueshme të Panairit, ka rikujtuar se mundësitë e sponsorizimit vazhdojnë të jenë të hapyra.

“Shpresoj se do të konsideroni sponsorizimin e kësaj ngjarjeje, e cila është falas dhe e hapur për publikun”, shkruan organizatori Mark Gjonaj në njoftimin për shtyp.

Të gjithë të interesuari mund të  gjejnë paketën e sponsorizimit, paketën e reklamave dhe paketën e mundësive të shitësve duke klikuar këtu:

Gjergj Kastrioti Skenderbeu Journal Ad 2024

Gjergj Kastrioti Sponsorship Package 2024

Gjergj Kastrioti Skenderbeu Vendor Contract 2024

Për më shumë informacion, mund të kontaktoni me email në skenderbeufair@gmail.com ose telefononi 347-398-6161.