Panairi “SWISS BAU” shtyhet për muajin maj 2022

Në mesin e shumë ekspozuesve do të ekspozojnë edhe 6 kompani nga Kosova: “Behari Doors”, “Darda-nia Model”, “Green House”, “Shehu”, “Elnor” dhe “Kosova Model”.

“SWISS BAU” është një nga panairet më të mëdhenj të ndërtimit që organizohet në Zvicër. Edicioni i vitit të ardhshëm i këtij panairi ishte planifikuar të mbahej nga 18 der më21 janar 2022. Por, përmes një njoftimi për mediat dhe pjesëmarrësit, organizatorët bëjnë me dije se panairi shtyhet për muajin maj 2022. Kjo bëhet për shkak të gjendjes së rënduar te pandemisë së koronavirusit.

Të kujtojmë se në mesin e shumë ekspozuesve nga shtetet e ndryshme të botës, do të ekspozojnë edhe 6 kompani nga Kosova: “Behari Doors”, “Darda-nia Model”, “Green House”, “Shehu”, “Elnor” dhe “Kosova Model”.

Këto gjashtë kompani do t’i ekspozojnë produktet e tyre si: shkallë, dyer, kuzhina, dritare, shtëpi të parafabrikuara, mobilieri dhe shumë e shumë produkte të tjera për shtëpinë. Dizajni dhe kualiteti i produkteve nga këta ekspozues është dëshmia më e mirë që sot ata janë të pranishëm në tregun zviceran dhe në vendet e tjera europiane.

Vizitoni panairin “Swiss Bau” në Bazel dhe njihuni me kompanitë dhe produktet “Made in Kosova” nga 3 deri 6 maj 2022.

Më shumë informata në linkun në vijim: https://www.facebook.com/Swissbau/posts/5029525430399570

---