Pandemia thelloi pabarazinë mes qytetarëve në Europë

Ilustrim

Pabarazia në Evropë po rritet, ndërsa COVID-19 ka thelluar dallimet ekzistuese në tregjet evropiane të punës.

Shoqata e bamirësisë ‘Caritas’ thotë se gjithnjë e më shumë njerëz kanë nevojë për ushqim, strehim dhe veshje.

“Sistemi kombëtar i mirëqenies nuk po funksionon si duhet dhe njerëzit që kanë humbur punën e tyre, ose ata që punojnë, por nuk paguhen sa duhet dhe nuk mbrohen nga sigurimet shoqërore nuk plotësojnë dot as nevojat bazë për shkak të mungesës së mbrojtjes sociale”, thotë Maria Nyman, sekretare e përgjithshme e ‘Caritas’.

Paga minimale në Evropë varion nga 332 euro në Bullgari në 2 mijë e 200 euro në Luksemburg dhe 1 në 4 të rinj nuk gjen dot punë. Shumë prej tyre përballen me diskriminim.

“Nëse duam një shoqëri më të mirë, atëherë duhet të sigurohemi që këta njerëz të mos lihen pas. Ndaj nevojiten sisteme sociale më të forta”, shprehet Nyman.

Sipas Eurostat, një në 5 persona në BE është në rrezik varfërie./Euronews