Paralajmërohet rreziku për rritje tjetër të inflacionit

(KEYSTONE/Gaetan Bally)

Agjencia e statistikave të Bashkimit Evropian, Eurostat, të martën njoftoi se çmimet e konsumit në 20 vendet e Bashkimit Evropian që përdorin valutën euro janë rritur për 7 për qind në prill, krahasuar me një vit më parë, një shifër pak më e lartë se shkalla e përvitshme prej 6.9 për qind në mars, shkruan Radio Evropa e Lirë.

Inflacioni i çmimeve të ushqimeve është ulur në shkallë vjetore 13.6% nga 15.5% sa ishte në mars, derisa çmimet e energjisë pësuan rritje më modeste prej 2.5 për qind, përcjell albinfo.ch.

Analistët thonë se takimi i BQE-së, i paraparë për të enjten, në Frankfurt, mund të rezultojë me një rritje prej një çereku apo gjysmë pike të përqindjes. Derisa ka edhe drojë se mund të ketë rritje të inflacionit, megjithatë synohet rënia prej 2% si niveli më i mirë i ekonomisë.